Манасков: „Позрели сме, затоа славевме полесно одколку пред две години„
Новото засилување на Вардар, Дејан Манасков беше радосен и горд на тимот по победата во Швајцарија. Тој потенцираше дека овој пат зрелата игра на нашите момци, направи полесно одколку пред две години во Цирих да ја совладаме Швајцарија.
Митков: „Одбраната беше клучен фактор за победата„
Неиграњето на Кирил Лазаров и Ренато Вугринец максимално го искористи Митков, кој со добра игра во двете фази успеа да се наметне. Играше мнгоу сериозно и потврди дека заслужува шанса.
Со манири на голема селекција, Македонија се прошета низ Сент Гален
Квалификации за ЕП - Полска 2016
Швајцарија - Македонија 17:26 (8:15)
Во убав амбиент во малата „Кројсблахе арена„ во Сент Гален, македонските и швајцарските навивачи беа подеднакво бројни на трибините, на кои имаше 2337 гледачи со платени билети. По победата на Франција во Брно против Чешка, нашите ракометари поопуштено влегоа во мечот и капитенот Кирил Лазаров не ризикуваше и остана на клупата. Нашите момци добро го почнаа мечот и со головите на Миркуловски, Митков и Кирил Лазаров од седмерец, поведовме со 3:5 во 8 минута. Кога Влатко Митков погоди по втор пат во 14 минута, момците на Обрван веќе имаа најубедливи 3:7, па швајцарскиот селектор Брак побара тајм-аут.
„Галските петли„ ја сомлеа Чешка и без Карабатиќ
Чешка - Франција 24:34 (10:16)
И без својот најдобар ракометар, Никола Карабатиќ, светскиот првак Франција потврди дека е за класа поквалитетна репрезентација од Чешка. Во Брно првопласираната селекција во нашата група, од самиот почетокот до крајот водеше и ги совлада Филип Јиха и другарите со 24:34 (10:16). Доминацијата на момците на Клод Онеста беше очигледна и со неверојатна леснотија ја забележаа петтата победа во групата.
ФОТО: Црвено-жолтата боја доминира во Сент Гален
Македонските навивачи се дебело мнозинство низ Сент Гален и во „Кројцблахе арената„. Нашите знамиња и црвено-жолтата боја доминираа во малиот спортски објект, каде се очекува подршка слична како онаа на Македонија во Цирих против Швајцарија пред две години.
Повеќе од деценија Швајцарија не не совладала, вечерва судат руски судии
Европа е насочена кон петтото коло од квалификациите за ЕП во Полска 2016 година. Натпреварот Швајцарија - Македонија, кој се игра вечерва во 20:00 часот во Сент Гален ќе го суди рускиот пар Евгениј Зотин и Николај Волотков, а делегат е Петер Хансон од Шведска. Вечерашниот меч ќе биде шести помеѓу Македонија и Швајцарија, а традицијата вели дека имаме 3 победи, 2 порази и ниту едно реми. Повеќе од една деценија не сме изгубиле од Швајцарија, која два пати не совлада во квалификации за ЕП во Словенија 2004 година.
Копљар и Сипржак, нови соиграчи на Лазаров
Неколку дена по завршувањето на сезоната Барселона ги претстави првите две засилувања за следната сезона. Нови соиграчи на Кирил Лазаров се Марко Копљар и Камил Сипржак, чии трансфери беа договорени од претходно, а денес и двајцата беа претставени во каталонската престолнина, откако на официјалната веб страна на клубот беа обелоденети договорите.
ФОТО: Седумте „бисери„ на Лазаров оваа сезона
Клубската 2014/15 заврши за ракометните професионалци и до заслужениот одмор следуваат уште двете кола од квалификациите за ЕП во Полска во 2016 година. Кирил Лазаров зад себе остави сезона која без конкуренција е најдобра во неговата кариера. И инвидуално и колективно ова беше сезона на „жетва„ на трофеи и веќе оваа Барселона на Хавиер Пасквал се споредува со таа пред 15 години на Валеро Ривера, која со право ја нарекуваа дрим-тим.
Талевски дополнително повикан пред гостувањето во Сент Гален
Селекторот на македонската ракометна репрезентација, повторно го измени поширокиот список и слично како пред мечот со Франција му даде шанса на Талески. 19 годишниот лев бек ќе тренира вечерва во Скопје, а останува потоа Обрван да реши дали и утре ќе патува за Сент Гален.
„Алкалоид„ е генерален покривител на ракометниот камп „Кирил Лазаров 7„
На неколку дена до почетокот на првото издание на ракометниот камп „Кирил Лазаров 7„ интересот е огромен, се подготвуваат и најмалите детали за еднонеделното дружење во Охрид, а радува и тоа што проектот го препознаваат сите добронамерници. Така од денес нов генерален покровител на кампот е „Алкалоид„ кој е несебичен помагател на ракометот и спортот во нашата земја. Ова покровителство претставува голем чекор напред во организацијата на кампот и комплетно исполнување на зацртаните идеи. Соопштението за обелоденувањето на соработката ви го пренесуваме во целост.
