Македонија во третиот шешир во ждрепката во петок

Организаторот веќе ги подготви сите детали за ждрепката за наредното европско првенство во Полска следната година. Петок од 14:30 часот во Краков ќе видат познати четирите групи, а со тоа и противниците на македонската репрезентација. Момците на Обрван се сврстени во третиот квалитативен шешир и не може да бидат сврстени во иста група со Русија, Германија и Белорусија.

1 шешир: Франција, Данска, Шпанија, Хрватска

2 шешир: Исланд, Полска, Шведска, Унгарија

3 шешир: Македонија, Русија, Германија, Белорусија

4 шешир: Србија, Норвешка, Словенија, Црна Гора

Познато е и дека стратешки организаторот ќе ја стави Полска во групата во Краков, Хрватска во Катовице, Германија во Вроцлав и Данска во Гдањск. Најдобрите три селекции од секоја група ќе продолжат во втората групна фаза. Европското првенство ќе се одржи од 15 до 31 јануари 2016 година, а титулата ја брани Франција.