
Македонската ракометна репрезентација по четврт пат во својата историја ќе игра на завршниот турнир на европско првенство. Со освојувањето на второто место во 7 група од квалификациите, момците на Обрван најнапред обезбедија место во ждрепката во Краков на 19 јуни, а потоа во јануари идната година и на шампионатот меѓу 16 најдобри на континентот.
Во две од претходните три учества, Македонија ја минувала групата, а пред три години во Ниш и Белград испиша историја со пласманот на петтото место.
Македонија на европските првенства:
ЕП - Италија 1998 година - 12 место
ЕП - Србија 2012 година - 5 место
ЕП - Данска 2014 година - 10 место