Барса против Анхел Хименез, Грањолерс - Хуанферса во полуфиналето на Купот
По денес извршената ждрепка за полуфиналето на Купот на шпанскиот Крал во ракомет, чиј што организатор ќе биде Хихон на 6 и 7 јуни, Барселона ќе игра против домаќинот Анхел Хименез, а вториот полуфинален пар го сочинуваат Грањолерс и Хуанферса. Со оглед на тоа што ждрепката беше диригирана се избегнаа домаќинот Хуанферса и бранителот на титулата Барселона. Полуфиналните мечеви се играат од 16:30 и 18:30 часот на 6 јуни, а финалето е ден подоцна од 17:30 часот.
Нова егзибиција и чекор поблиску до перфектна лига за Барса
Барселона - Гвадалахара 45:30 (19:14)
По двонеделната пауза заради националните репрезентации, продолжија натпреварите во ASOBAL лигата, а со тоа и победите на Барселона. Во нова егзибиција на момците на Пасквал, совладана е Гвадалахара со 45:30, во меч во кој по старата добра навика, каталонците ја прескокнаа границата од 40 гола. Благодарение на Фуертес и Ајала, гостите одржуваа 3:3 во првите 5,6 минути, но потоа ги снајде истото што и останатите ривали оваа и претходните сезони во „Палау Блауграна„.
Летонски судии за полуфиналето со Киелце, финалето за романците Дину
Европската куќа на ракометот ги делегираше судиите за машкиот завршен турнир на Лигата на шампионите, кој ќе се одржи на 30 и 31 мај во „Ланксес арената„ во Келн. Барселона и Лазаров за мечот од полуфиналето добија арбитри од Летонија. Големо признание за македонските судии Николов и Начевски, кој ќе ја делат правдата на второто полуфинале помеѓу Кил и Веспрем.
Теукро се враќа во ASOBAL лигата
Галицискиот клуб Теукро е нов член на најсилната шпанска ASOBAL лига. Без разлика што загуби на мечот од Барселона Б, Теукро ќе биде меѓу 16 прволигаши наредната сезона. Вкупно 15 сезони оваа екипа играла во најсилната категорија, а последен пат испадна во сезоната 2008/09. Најдолго во шпанската ASOBAL лига, Теукро остана од 1990 до 1997 година, кога цели седум сезони играше во тогаш најсилната лига во светот.
Нова битка на Гајиќ и Лазаров за нај-стрелец во квалификациите
Со одличната реализација во двата меча со Франција, капитенот на нашата најдобра репрезенација Кирил Лазаров изби на третото место на листата на стрелците по четири кола од квалификациите за ЕП во Полска наредната година. Тој има импресивен просек од преку 10 гола по натопревар во првите 4 меча од 6 квалификациона група. Како и на светското првенство во Катар се предвидува „мртва трка„ со словенецот Гајиќ, кој заедно со Ронберг од Финска се водечки со 2 гола повеќе од Лазаров.
Јоноски со скинатата аркада, а Миркуловски со повредена дланка во Тулуз
Без разлика што двата натпревари меѓу Македонија и Франција беа многу коректни, во двата табори има повредени ракометари. Македонија по првиот меч во Скопје остана без Наумче Мојсоски заради повреда на рамото. Во Тулуз проблем имаше и Филип Миркуловски. Тој уште по 10 минути игра ја повреди дланката, со која имаше проблеми уште во Скопје. Обрван го надополни неговото отсуство со Филип Лазаров, Немања Прибак и Филип Талески во второто полувреме. Ацо Јоноски ја напушти средбата во 45 минута со раскрварена аркада.
Обрван: „Немавме решение за Карабатиќ, поразот не е срамота„
Македонија го претрпе вториот најубедлив пораз откако Ивица Обрван е на селекторското место, по поразот од Шпанија со 29:17 во Гвадалахара на 7 април 2013 година. Но не беше се незадоволувачки во 60 минути во Тулуз, каде Франција го визираше билетот за Полска, а Македонија зависи сама од себе пред јунските две последни средби.
Македонија со блесоци, но Франција е пресилна за „црвено-жолтите„
Квалификации за ЕП - Полска 2016 година
Франција - Македонија 35:24 (17:10)
Франција без Акамбре и Бараше, Македонија без Наумче Мојсоски за разлика од мечот во средата, излегоа на мегдан во исполнетата арена во Тулуз. Опоравениот Нарцис и дебитантот Дипанда добија шанса од првата минута, а ракометарот на ПСЖ го постигна првиот гол на средбата. Македонија возврати со два прекрасни гола на Филип Лазаров за 2:2. Нашето одлично отворање во првите 10 минути го комплетираа головите на крилата Манасков и Георгиевски за 4:4. По исклучувањето на Јоноски во 12 минута, Франција за прв пат побегна на +2, со вториот гол на Никола Карабатиќ.
Oнеста се враќа во неговиот Тулуз
Градот Тулуз има големо значење за францускиот селектор, трофејниот Клод Онеста. Тој е роден во малото место Алби, но најголемиот дел од животот го минува во Тулуз. На 11 годишна возраст, почна да тренира ракомет и беше активен ракометар се до 1987 година, кога стана тренер на Тулуз.
Лазаров: „Посебно ми се допаѓа што претерано не ја респектираме Франција„
За разлика од мечевите со бившиот светски првак Шпанија, во Скопје и Гвадалахара пред две години, македонската ракометна репрезентација игра позрело и покомплетно против актуелниот првак, Франција. Со таква самодоверба здобиена по мечот во Скопје, Лазаров и другарите едвај го чекаат денешниот меч во Тулуз. Капитенот ја растерети групата, потенцирајќи дека најмногу му се допаѓа што ниту еден негов соиграч претерано не го респектира противникот:
