Продолжува шпанската доминација во Доха?
Од утре во Доха почнува IHF Суперглоб турнирот за светска клубска титула. Шпанија која има дури шест титули во минатото на ова натпреварување, ја брка четвртата последователна, исто како и нашиот Кирил Лазаров. Оваа година турнирот во Доха ќе се игра по елиминационен систем од четвртфинале до финале, а не во групна фаза. За прв пат ќе има три европски екипи, кои се и најсериозни кандидати за освојување на титулата. Барселона ќе дебитира в понеделник против Ал Саад, а финалето на IHF Суперглоб е наредниот викенд.
„Сладок„ пречек за Лазаров во Доха
Европскиот првак Барселона денес пристигна во Доха, каде наредната недела ќе ја брани светската клубска титула. Кирил Лазаров е пред уште еден рекорд, бидејќи ако триумфира и оваа година, тоа ќе биде негов четврт последователен трофеј, по еден со Атлетико Мадрид и два со Барселона. На пристигнувањето во Доха, македонскиот капитен го чекаше големо изненадување.
Победа за пат за Доха во победничка клима
Барселона - Хелветиа Анаитасума 38:23 (19:9)
Новата сезона во шпанската ASOBAL лига започна со очекувано висока победа на Барселона против Хелветиа Анаитасума со огромни 5 гола разлика. Два дена по освојувањето на ASOBAL Суперкупот во Сарагоза, а само три дена пред мечот од четвртфиналето на IHF Суперглоб турнирот во Доха, шампионот рутински си ја заврши работата на домашната сцена.
5 Суперкуп на Шпанија и 47 трофеј во кариерата на Кирил Лазаров
Барселона не престанува со победничката серија во Шпанија и кој знае кој последен пат успеал да ја победи (конкретно Атлетико Мадрид во Купот на Кралот, во периодот кога Лазаров настапуваше за оваа екипа). Нашиот најдобар ракометар по петти пат го освои ASOBAL Суперкупот, а овој трофеј е 47 во неговата богата колекција. За прв пат ја придодаде наградата најкорисен ракометар во мечот за оаа титула. Веќе наредната недела следи нова можност, во завршницата на IHF Суперглоб турнирот во Доха.
Лазаров го „скрши„ Грањолерс за Суперкуп титула за Барса
Барселона – Грањолерс 26:23 (13:12)
Ракометарите на Барселона ја продолжија жетвата на трофеи во шпанскиот и европскиот ракомет. За само пет дена по втор пат го совладаа Грањолерс и го освоија 18 ASOBAL Суперкуп, четврт последователен. „Шлаг на тортата„ е признанието за најкорисен играч и најдобар стрелец на мечот во Сарагоза за нашиот Кирил Лазаров. Барса многу потешко дојде до победата од 26:23, за разлика од мечот во петокот во Џирона во рамките на каталонскиот Суперкуп.
Исти ривали за нова титула вечерва во Сарагоза
Вечерва во Сарагоза, ракометарите на Барселона ќе ја бркаат 18 титула во ASOBAL Суперкупот. Тие се апсолутни фаворити против каталонскиот ривал Грањолерс, кој го совладаа со 14 разлика пред неколку дена за каталонската Суперкуп титула. Барселона има 6 титули во последните 10 финалиња и ќе се обиде да ја одбрани втората од седумте титули освоени минатата сезона.
Цела Барса во идеалниот тим на сезоната 14/15 во ASOBAL лигата
Како никогаш до сега, ракометарите на Барселона целосно ја исполнија идеалната седумка на шпанската ASOBAL лига. Одлуката на љубителите на ракометет беше дека сите ракометари на шампионот заслужуваат место во идеалниот тим на сезоната 2014/15. Нашиот Лазаров на вечерашната церемонија во Сарагоза и официјално ја прими наградата за најдобар десен бек во шпанската ASOBAL лига.
Лазаров стигна до 46 трофеи во кариерата
Новата сезона за Кирил Лазаров започна исто како што заврши старата. Најдобриот македонски ракометар го освои Каталонскиот Суперкуп, втор пат со ред и дојде до 13 трофеј на почетокот од третата сезона во дресот на Барселона. Практично нема клубски трофеј кој дрим-тимот на Пасквал не го освоил, а сега се обидува да ги одбрани сите трофеи освоени во сезоната 2014/15. Со оваа титула, Лазаров дојде до 46 трофеи во кариерата и многу веројатно оваа сезона ќе дојде и до историски 50 титули со своите клубови во кариерата. Делува и звучи, импресионантно.
Лазаров и Барса почнаа со одбраната на титулите
Барселона - Грањолерс 36:21 (17:14)
Најдобрата европска екипа, Барселона успеа да го освои првиот трофеј во новата сезона. Во ново финале на каталонскиот Суперкуп, Барселона како и минатата сезона го совлада Грањолерс и тоа со многу убедлив резултат, како плод на перфектното второ полувреме (36:21). Двата најголеми клуба од Каталонија лесно ги добија полуфиналните мечеви минатата недела и се очекуваше многу израмнето финале во Џирона, баш како и финалето на Купот на Кралот во јуни оваа година. Но Барса го доби 23 финале од 27 играни против Грањолерс, благодарение на одличното второ полувреме.
Јиха претставен во Барса: „Не се плашам од споредби и предизвици„
Денес во Барселона во прес-конеференциската сала на клубот, ракометната секција го престави своето трето и веројатно најголемо засилување ова лето. Филип Јиха од пред нешто повеќе од една недела и официјално е член на европскиот првак, а денес заедно со тренерот Пасквал, за прв пат позираше со својот нов дрес и за прв пат се обрати пред медиумите како член на најтрофејниот клуб во ракометниот свет.
