Кога најмногу требаше, пак се појави Лазаров
ПИК Сегедин - Барселона 28:30 (12:13)
По стартот со една победа и еден пораз, европскиот првак Барселона беше на вистински испит на зрелоста во Унгарија против ланскиот четвртфиналист, ПИК Сегедин. Сигурдсон го отвори резултатот, па погоди и капитенот Томас, но тимот на Пастор подобро влезе во мечот и брзо го превзеде водството. По 3:3, Бомбач и опоравениот Јонас Калман погодија од транзиција за прво водство на ПИК Сегедин. Од 4:4 со головите на Балог, домаќините отидоа на 7:4, што беше аларм за гостинската клупа.
Обрван го објави поширокиот список за ЕП во Полска
Селекторот на ракометната репрезентација на Македонија, Ивица Обрван, го објави прелиминарниот список од 28 ракометари за Европското првенство што ќе се одржи во Полска на почетокот на 2016 година. Според правилата и регулативите на ЕХФ, списокот и натаму може да подлежи на промени, заклучно со 12 декември, кога е краен рок за објавување на конечниот список. На списокот на Обрван се наоѓаат следните ракометари:
Рутенка кариерата ја продолжува во Катар
Белорускиот репрезентативец Сергеј Рутенка својата кариера ќе ја продолжи во катарското првенство, во тимот на Лахвија, каде минатата сезона настапуваа Наумче Мојсовски и Ренато Вугринец. Рутенка ги договори условите и наскоро ќе му се приклучи на тимот.
Познати судиите за наредното европско првенство
ЕХФ ги одреди 12 парови на судии кои ќе ја делат правдата на мечевите од европското првенство во Полска од 15 до 31 јануари следната година. Меѓу одбраните се наоѓа и Македонскиот судиски пар, Начевски и Николов. Одлуката падна на конгресот во Виена, а на последното европско првенство, финалето го судеа шпанските судии Ралуј и Сабросо.
Совладана и Гвадалахара за 66 врзана победа на Барса
Барселона - Гвадалахара 40:24 (21:11)
Во меч кој наликуваше на многу првенствени мечеви од ASOBAL лигата, Барселона забележа нова убедлива победа, овој пат со +16 против тимот од мадридското предградие, Гвадалахара. Сите ракометари на кои им даде шанса Хавиер Пасквал со исклучок на младиот Душебаев, се запишаа меѓу стрелците што покажува колку лесно првакот стигна до бодовите. По изедначениот почеток со головите на Гурбиндо и Арињо (2), домашната екипа отиде на 10:4.
Барса и Рутенка спогодбено го раскинаа договорот
Еден од најтрофејните европски ракометари на сите времиња, репрезентативецот на Белорусија, Сергеј Рутенка не е повеќе член на европскиот првак Барселона. Клубот од Каталонија спогодбено го раскина договорот со корпулентниот среден бек.
Швеѓаните одолеваа, но бодовите остануваат во Барселона
Барселона - Кристианштад 34:32 (17:16)
Ракометарите на Барселона ја забележаа првата победа во Лигата на шампионите, откако славеа против првакот на Шведска, Кристианштад со 34:32 (17:16). Иако можеби очекуваа полесна победа, преку 3000 гледачи во „Палау Блауграна„ видоа борбен и квалитетен натпревар, пред се во офанзивата. Барселона пак се потпре на Кирил Лазаров, иако треба уште многу работа за екипата да се приспособи на новајлиите и да ја достигне потребната форма.
Второ полувреме без грешка и нова победа со 40 постигнати гола
Хуеска - Барселона 28:40 (17:20)
Меѓу два европски натпревари, европскиот првак Барселона ја забележа четвртата победа во ASOBAL лигата. На гостувањето кај Хуеска, Лазаров и соиграчите најавија дека поразот во Манхајм во неделата е веќе заборавен. Победена е Хуеска и пак е потврден просекот од 40 гола по натпревар. Новел и Гарсија Петруса го материјализираа подобриот старт на домаќините за водство од 4:2 по 6 минути игра. Но Гонзало се разбрани и со серија од 4:0, многу брзо фаворитот дојде до водство од 4:6. Арињо реализираше два контранапади, а погоди и највисокиот на теренот, Камил Сипржак. Хуеска на крилата на својот ветеран на голот, Димитрије Пејановиќ се опорави и во 18 минута, Новел погоди од крилна позиција за 10:9, откако претходно првиот гол го постигна Кирил Лазаров.
„Лавовите„ поумешни и посреќни од европскиот првак
Рајн Ловен Некер - Барселона 22:21 (10:9)
Две години по драматичното четвртфинале ,во кое Барса ги елиминира „лавовите„ само благодарение на повеќе голови во гости, двете екипи сега се соочија во првиот меч од новиот систем на групната фаза на најсилниот европски куп. Германскиот вицешампион во интензивен натпревар успеа да му го нанесе првиот пораз во Европа на тимот на Пасквал по повеќе од една сезона (22:21). По изедначениот почеток, германците преку Шмит и Грецки поведоа со 5:3 и веднаш стручниот штаб на Барселона побара тајм-аут. Реакцијата ја донесе нашиот Кирил Лазаров кој постигна 3 гола, а се разбуди и Сигурдсон за прво водство на гостите (6:7).
Барса тргнува во одбрана на титулата
В недела од 19:30 часот, ракометарите на Барселона ја почнуваат одбраната на титулата во Лигата на шампионите, од жешкиот терен во Манхајм против Рајн Ловен Некер. Досегашните две гостувања во „Сап Арената„ за момците на Пасквал беа многу драматични. По 38:38 во групната фаза во сезоната 2010/11, пред две сезони подоцна двете екипи се сретнаа во меч за пласман на Final four во Келн.
