Гајиќ најстрелец, Хансен најдодавач, Марковиќ МВП
Со денешните два натпревари скоро и да е извесно дека Драган Гајиќ ќе биде најдобар стрелец, Микел Хансен најдобар асистент, а Жарко Марковиќ, најкорисен ракометар на 24 светско ракометно првенство. Преостануваат уште два натпревари по кои ќе добиеме математичка потврда за извесниот епилог во сите три категории.
Хансен и Кристијансен на Данска му го донесоа петтото место
Не е секогаш лесно да се пронајдат мотиви во меч во кој само престижот е во игра. Но сепак на светско првенство нема неважни мечеви, па така Данска и Хрватска бараа позитивен меч за крај на својот шампионат. Данска помотивирано го одигра почетниот дел од мечот и тоа влијаеше на целиот тек на мечот. Мортенсен и Хансен отворија со лесни голови и користење на противничките грешки.
IHF ја казни полската федерација и нивниот доктор
Ракометната репрезентација на Полска заработи драконска казна од страна на IHF поради навредите и клеветите кои поразените полјаци ги кажаа по полуфиналниот натпревар со Катар на мундијалот во Доха. Изречена е парична казна, а најлошо мина докторот на репрезентацијата Рафал Марковски, кој заработи суспензија од шест месеци заради „долгиот јазик„ по завршувањето на мечот.
Генсхајмер на Германија му подари олимписки квалификации
Словенците подобро го почнаа мечот и благодарение на Јуре Натек кој постигна пет гола во првиот дел, поведоа со 4:7. Но Сигурдсон побара тајм-аут, Хајденветер влезе во посакуван ритам и германците се вратија во мечот. Генсхајмер погоди пет пати, неговите соиграчи дојдоа до 8:8, а потоа и ритамот и психолошкиот момент беше на нивна страна.
Франција го пријави Онрубија на местото на Гребиј
Повредата во првото полувреме на мечот со Шпанија, го оневозможи младиот талентиран лев бек на Монпеље, Метју Гребиј да го игра своето прво финале на светско првенство. Затоа Онеста денес на пладне ја изврши очекуваната замена, па на местото на Гребиј го сврсти крилото Онрубија, кој исто така е повреден и мали се шансите да се опорави на време и да заигра во финалниот меч.
Полското ЕУРО ќе биде најспектакуларно до сега
На 11 и пол месеци до почетокот на наредното машко европско првенство, Полска одржа презентација на која потврди дека уште сега е подготвена за како што велат најспектакуларното европско првенство. По организацијата на фудбалското европско првенство заедно со Украина во 2012 година и светското првенство во одбојка оваа година, полјаците покажаа сериозност и околу наредниот голем ракометен самит по мундијалот во Катар. На 391 ден до стартот на шампионатот, Полска ги одреди градовите каде ќе се игра шампионатот. Гдањск, Катовице, Вроцлав и Краков со нови арени ќе му се претстават на ракометниот свет. Во сите четири града ќе се игра првата групна фаза, а во вторите групни натпревари домаќините ќе бидат Вроцлав и Краков.
Финалето без Капоте и Гребиј
Во финишот на првото полувреме, младиот француски репрезентативец Матје Гребиј незгодно падна и го повреди рамото, па до крајот на полуфиналето против Шпанија не влезе во игра. Констатирано е дека се работи за изместување и сигурно нема да игра на мечот в недела против Катар. Неговото отсуство од ракометните терени се предивидува да биде 3-4 недели.
Гајиќ го осигура првото местото на листата на стрелците
Со 12 гола на мечот со Данска, крилото на Монпеље и на словенечката репрезентација Драган Гајиќ побегна на врвот на листата на стрелците и на еден натпревар до крајот за секоја од осумте репрезентации, тој има големи шанси да биде крал на стрелците.
Франција по петтата мундијалска титула во 20 години
Во било кој спорт е неверојатно да се освојат пет светски титули за 20 години. По такво постигање в недела ќе тргне Франција, која ако го совлада Катар ќе биде најтрофејна светска ракометна сила, минувајќи ја Шведска, а и старата сила Романија. Кога во 1995 година дојдоа на Исланд, французите немаа ниту едно злато од светските првенства, а сега имаат четири со големи шанси да стигнат и до пет. Низ овие светски титули, измешани се европски и олимписки медали, главно златни.
Словенија или Германија за Рио, Катар и Франција за златото
Познати се сите завршни натпревари на последниот трет викенд на светското првенство во Доха. За прв пат едно европско - азиско финале и историска можност Катар да ја продлабочи својата легенда. Нема дилема дека „невозможна мисија„ ќе им биде обидот да го совладаат најсилниот модерен ракометен тим, но в недела за нив е последниот испит. Во завршните натпревари, покрај златото, влогот е и бронзата и олимписката норма.
