Почнува ЛШ: Нант и Лазаров дебитираат против европскиот вицешампион
Кирил Лазаров со Нант вечерва се враќа во Лигата на шампионите. Македонскиот репрезентативец и неговата екипа се најдоа во групата Б, во која се три поранешни клуба на Лазаров: Барселона, ППД Загреб и Веспрем. Во групата се, уште и Кил, Алборг, Мотор и Целје. Вечерва во Нант гостува Веспрем, поранешниот клуб на Лазаров и европски вицешампион.
Пораз по голема борба за Голден Арт КЛ7 во Радовиш
РК Радовиш – Голден Арт КЛ7 33:29 (17:15)
Младите момци на Голден Арт КЛ7 во второто коло од Суперлигата забележаа и втор пораз, овој пат на гостувањето во Радовиш. Доколку во првиот натпревар против Охрид беа во подредена улога и за брзо време беше познат победникот, не беше така во второто коло на тешкото гостување против далеку поискусниот Радовиш, екипа која долго време се натпреварува во Суперлигата.
Пораз од ГРК Охрид на дебито на Голден Арт КЛ7 во Суперлигата
Очекуван пораз на младата екипа на Голден Арт КЛ7 во својот прв натпревар во Суперлигата. Фаворитот, екипата на ГРК Охрид забележа победа со резулат 23:29. Гостите од Охрид одлично го отворија натпреварот, со водство од 1:4, а за брзо време поведоа и со 3:8. Водството го задржаа во текот на целиот натпревар, а на крајот од првиот дел дојдоа и до максимални девет погодоци разлика (8:17).
Бошковски: Ќе се надигруваме со секој противник сезонава
Утре стартува македонската Суперлига во ракомет, првпат поделена во две групи. Дебитантот Голден Арт КЛ7, составен од млади ракометари на возраст од 17-20 години предводени од Андон Бошковски, е еден од новајлиите во елитата.
Втора победа на Нант на тест дуел против Сесон Рен
Нант - Сесон Рен 38:28
Нант забележа уште една убедлива победа во претсезонскиот дел, откако во својот дом со десет гола разлика, со 38-28 славеше над тимот на Сесон Рен. Неколку дена по откажаната контрола со ПСЖ поради позитивен случај на ковид-19 во Нант, Лазаров и соиграчите повторно излегоа на мегдан против новиот прволигаш, декласирајќи го Сесон Рен.
Голден Арт КЛ7 поразен во тест натпревар против Металург
РК Металург – Голден Арт КЛ7 33:25 17:9
Младите момци на Голден Арт КЛ7 одиграа пријателски натпревар со екипата на Металург и забележаа пораз од 33:25. Иако започнавме одлично против далеку поискусниот противник, млади момци на Бошковски не успеаја резултатски да изненадат.
Голден Арт КЛ7 го надигра Тиквеш во возбудлив тест дуел
Момците на Андон Бошковски ја забележаа својата втора победа на подготвките за новата сезона. Во возбудлив натпревар совладана е екипата на ГРК Тиквеш 2014 со 27-26. Ракометарите на Голден Арт КЛ7 одлично го отворија натпреварот, па после осум минута игра имаа предност од 6-2. Не дозволија младите момци на новиот суперлигаш резултатски да се приближи ГРК Тиквеш, па во 27 минута дојдоа и до максимални пет погодоци разлика односно 14-9, додека на крајот од првиот дел беше 15-10
ВИДЕО: „Кире е класа, тој е пример за нас и на теренот и надвор од него“
Француската национална телевизија, „France 3" го посети почетокот на подготовки во корона-кризата на францускиот вицешампион Нант и направи репортажа за нашиот Кирил Лазаров. Французите посебно ги интересираше неговата најавена одлука дека ја игра последната сезона во професионалната кариера.
Нант тргна со тест-натпреварите со убедлива победа против Сесон Рен
По пет недели базични подготовки, ракометарите на Нант го одиграа првиот контролен натпревар. Како дел од подготовките за стартот на францускиот шампионат и Лигата на шампионите, тимот на Кирил Лазаров, втора сезона со Алберто Ентрериос на клупата, го надигра Сесон Рен со 29:19 (17:7).
Минимален пораз на Голден Арт КЛ7 од Еурофарм Пелистер 2
Голден Арт КЛ7 – Еурофарм Пелистер 2 21-23 (11-12)
Голден Арт КЛ7 со минимален пораз ги стратуваше серијата подготвителни натпревари за престојната сезона. Во салата „Тодор Александров", која веќе втора година е база на младите ракометари на Голден Арт КЛ7 во Охрид, битолскиот тим беше поискусната екипа во дуелот. Натпреварот во целиот свој тек беше неизвесен, и ниту една екипа немаше предност поголема од два разлика. На полувремето биолчани имаа предност од 11-12, а крајниот резултат гласеше 21-23 за Еурофарм Пелистер.
