ВИДЕО: Лазаров: „Задоволен сум, но залудно е ако не ја добиеме Словенија„
ФОТО: Спортмедиа
Австрија одсекогаш му лежела на Лазаров. И во Скопје и во Виена и во Хернинг тој беше нашиот предводник во успесите против момците на Јоханесон. Денес со 9 гола се врати во голгетерски ритам, но како перфекционист опоменува да ја подобриме играта во одбрана, зошто со 31 примен гол тешко може да се совлада полуфиналистот од последниот мундијал, Словенија в недела:
Осминафинале со Словенија в недела од 16:30 часот
Мечот на кариерите нашите ракометари ќе го имаат в недела од 16:30 часот по средно европско време во „Али Бин Хамад Ал Атијах арена„ против Словенија во второто осминафинале во оваа сала. По осминафиналето во „Палау Сан Жорди„ во Барселона во 2013 година и поразот од Германија, по втор пат на нашата репрезентација му се укажува шанса низ ваков формат да влезе меѓу осумте најдобри репрезентации во светот.
Победа со стил и второ место во групата
Б група
Македонија - Австрија 36:31 (16:16)
По мечеви во баражот за мундијал и на самото европско првенство, Македонија и Австрија се сретнаа и на мундијалски меч во полупразниот амбиент на салата „Али Бин Хамад Ал Атијах арената„ во Доха. Ацо Јоноски стисна заби и се најде во стартниот тим во одбраната. Миркуловски со спекталуларен лоб по 40 секунди го отвори резултатот. Но при доскокот се повреди и мораше да му се укаже помош. Борко брзо собра 3 одбрани, а Прибак и Кирил Лазаров му посакаа добредојде на Томас Бауер на голот (3:1).
Позната сатницата за елиминационите натпревари
Дури денес светската ракометна федерација ги одреди термините и сатницата за натпреварите кои ќе го искристализираат турнирот во неговата последна недела. Осминафиналните мечеви ќе се играат во „Лусаил арената„ и „Али Бин Хамад Ал Атијах арена„ на 25 и 26 јануари во 16:30 и 19:00 часот.
Лазаров за ТЕА Модерна: „Посветен на целта„
Во интервјуто за најновиот број на „ТЕА МОДЕРНА„ Кирил Лазаров говори за семејството, за јануари во кој редовно ги пропушта родендените на своите деца, но ја радува нацијата и за посветеноста во професионалниот спорт, заради која доаѓа до остварување на целта: „Јануари е месец со посебно значење за семејствотоЛазаров, најмладите членови Благојче (9) и Лана (7) ги прославуваат своите родендени, додека за нивниот татко Кирил (34), почетокот на новата година традиционално е резервиран за репрезентативните обврски.
Данци ќе ни судат против Австрија
Мартин Гјединг и Мадс Хансен од Данска ќе ја делат правдата на мечот од последното петто коло од Б групата на мундијалот во Катар, меѓу Македонија и Австрија. Македонија со најмалку бод ќе биде втора во групата, а на Австрија и треба триумф да застане на тоа место.
Миркуловски: „Подобро да играме со Словенија, одколку со Катар„
Иако математички сеуште не се знае нашиот пласман и нашиот противник во осминафиналето, меѓу Катар и Словенија се сведуваат коментарите, изборот, ривалот. Нашиот најдобар асистент на првенството, Филип Миркуловски нема дилеми дека подобро е да се игра со Словенија која ја победивме во мечот за петтото место во Белград во 2012 година. Сепак фокусот мора да остане на Австрија, која е нашата денешната преокупација:
Обрван: „Барам малку повеќе внимание во одбраната„
Мечот со Австрија како да е вовед во елиминационите натпревари. Ова е еден од оние дуели кои ракометарите мора да го сватат како да се биде или не. Наша мала предност е тоа што ни одговара и нерешен резултат да ја оствариме целта, која се вика второ место во нашата група. Селекторот би корегирал само малку повеќе внимание во одбраната, за разлика од претходните мечеви:
Лазаров: „Посакуваме убедлива победа, за да не респектираат повеќе„
Австрија е на дневниот ред кај македонските ракометари уште од раните утрински часови за време на вчерашниот ден. Иако не е лесно да се избрише од главата мечот со Хрватска и развојот на настаните, турнирот не дозволува враќање назад и потребно е фокусот да го насочиме кон мечот со нашиот старт познаник, Австрија на исландскиот селектор Јоханесон.Капитенот Лазаров останува на ставот дека постигнатото до овој момент е респектабилен резултат и дека против Австрија нашиот тим отворено ја најавува фаворитската улога:
Хансен го стигна Лазаров на листата за најкорисен играч
Микел Хансен по добриот настап против Русија стигна до бројката 42 поени кога ќе се соберат головите и асистенциите. Сега и Хансен и Лазаров се на врвот со по 42 поени. Словенецот Гајиќ е неприкосновен на лидерската позиција на врвот на листата на стрелците.
