Голужа и Марковиќ типуваат на Македонија
Сите репрезентации од нашата група се сместени во ист хотел, во убавиот „Мериот„ во срцето на Доха. Често се дружат, разговараат, се шегуваат. Таму се официјалните средби со новинарите и секогаш околу пладне има видлива гужва, обид да се дојде до „парче„ нечие мислење пред големите средби. Така селекторите на БиХ и Хрватска, Драган Марковиќ и Славко Голужа го искажаа својот став пред нашиот меч со Словенија и ни дадоа блага предност.
ВИДЕО: Прост: „Добро го познавам системот на Обрван„
Не се среќаваме пречесто со Словенија на последните големи приредби, но сепак ракометарите во своите клубови често се соиграчи или ривали на теренот. Така голманот Прост е уверен во квалитетот на своите соиграчи, но смета дека Македонија не може многу да го изненади словенечкиот тим, посебно бидејќи тој одлично го познавам стилот на игра на селекторот на нашиот тим, Ивица Обрван:
Како се стигнува до Рио?
Светското првенство кое денес влегува во елиминационата фаза е само првиот филтер кој ќе ги даде учесниците на машкиот ракометен турнир на летните Олимписки игри во Рио де Жанерио во 2016 година. Само организаторот Бразил има сигурно место, а останатите 11 селекции ќе бидат познати најдоцна до април 2016 година. Две недели подоцна ќе биде извршена ждрепката за турнирот, во кој селекциите ќе бидат распределени во две групи по шест селекции.
Македонија денес го игра само вториот елиминационен меч на големи турнири
Денешниот меч од осминафиналето на светското првенство во Катар е само втор натпревар во кој поразениот тим е елиминиран по 60 минути борба за нашата селекција. Првиот наш меч од тој тип беше осминафиналето на светското првенство во Шпанија против Германија во Барселона, кое нашиот противник го доби со 28:23 (13:9).
Без промени на врвот, Гајиќ нај-стрелец по групната фаза
Вечерва официјално заврши првиот дел од натпреварувањето на светското првенство во ракомет. По групната фаза најефикасен ракометар е Драган Гајиќ од Словенија, а најкорисен (голови + асистенции) нашиот Кирил Лазаров. Денешните шест натпревари не донесоа радикални промени на врвот. Единствено аргентинецот Пизаро скокна на четвртото место со 34 гола.
ВИДЕО: Зорман: „Нема да го менуваме стилот, со кого и да играме„
Ударна игла во оваа словенечка репрезентација, која не очекува утре попладне, но и во последните 7-8 години е капитенот Урош Зорман. Иако е еден од ветераните, ракометарот на Киелце е продолжена рака на селекторот Дениќ и преку него се пренесуваат идеите на теренот. Зорман ја брани својата филозофија и полетниот стил на игра на Словенија. Иако има премногу технички грешки и нешто помалку добра дефанзива, системот на Словенија со години е со задоволство прифатен и применуван:
ВИДЕО: Козлина: „Добро се познаваме, ќе ми биде тешко против Македонија„
Низа комплименти на адреса на нашата репрезентација, максимален респект и коректни изјави доаѓаа од словенечкиот табор во текот на денешниот ден. Еден од најупатените да зборува за избраниците на Обрван е Миладин Козлина, кој скоро со сите наши ракометари ја делеше соблекувалната во клубскиот ракомет:
Попладневниот тренинг откажан, ракометарите на прошетка
Селекторот на македонската репрезентација Ивица Обрван ги ослободи од обврските ракометарите попладнево, иако во 15 часот беше предвиден тренинг пред мечот со Словенија. Стручниот штаб им даде комплетно слободно попладне на нашите адути, за да можат да се одморат и за кратко да се дефокусираат од ракометните возбудувања.
Лазаров: „Уживам во улогата на капитен„
Во пресрет на најважниот меч на шампионатот, Кирил Лазаров го посетија новинарите од официјалната веб страна на неговиот клуб, Барселона, која дава огромен број на репрезентативци во Катар. Затоа и седмата сила постојано ги следи репрезентантите на првакот на Шпанија. Македонецот направи паралела меѓу клубот и репрезентацијата и потенцира дека има многу разлики и заеднички страни. Но на двете места исто е што Лазаров немилосрдно ги тресе противничките мрежи:
ВИДЕО: Ангелов: „Сите одиме по однапред зацртаната цел„
Кавадарчанецот Петре Ангелов ја засили својата самодоверба и на тимот му потврди дека може во секој момент да смета на него. Одбраните во вториот дел од мечот со Австрија, им ја олеснија работата на соиграчите и победата во ниту еден момент не беше доведена во прашање. Затоа и на прес-конференцијата Ангелов не си ги припишуваше заслугите, туку победата ја окарактеризира како уште еден чекор до заедничката цел:
