Марковиќ: „Ги налутивме македонците, па докажаа дека се големи„
Многу босански новинари на сите три натпревари на нивната репрезентација видоа „црни дупки„ многу невообичаени падови во играта, и ако со Иран тоа беше надоместливо, против Австрија и Македонија, квалитетот на противникот не дозволи такви периоди на лоша игра. Многу достоинствено босанскиот селектор Марковиќ го призна поразот и напомена дека само големите селекции остануваат мирни, кога се под притисок:
Обрван: „Мораме да ја подобриме колективната игра, денес бевме спори„
Три различни видови на натпревари, последните два нешто подраматични, но во ниту еден момент во последните две минути не влеговме стравувајќи за победата и бодовите. Точно е дека и со Иран и со Босна имавме и негативни амплитуди, но почести беа позитивните и затоа победивме. Селекторот Ивица Обрван трезвено го анализираше мечот и уште еднаш нагласи дека на турнирот доведе 18 ракометари и има намера секој максимално да го искористи во овие нешто повеќе од две недели:
Втор часовник за Дејан Манасков
Откако одигра одличен меч и со Тунис и со Иран, како и во петокот брзото македонско крило Дејан Манасков беше прогласен за играч на натптреварот и вечерва против Босна и Херцеговина. Со 6 гола од 7 обиди, одлична игра во двата правци и физичка беспрекорна подготвеност, крилото на Металург и македонската репрезентација во континуитет игра многу добро во дресот со државниот грб.
ВИДЕО: Прибак: „Сите имаме заедничка цел, не е важно кој погодува„
Во моментите кога се „кршеше„ резултатот, ракометарот на Вардар Немања Прибак постигна три гола и покажа дека овој ростер има ширина и мечевите можат да решаваат сите повикани од селекторот Ивица Обрван. Дури и со ракометар помалку на овој меч реагиравме многу солидно, па тоа е една од причина зошто успеавме да ја совладаме жилавата Босна:
ВИДЕО: Стоилов: „Тешко ни падна црвениот картон на Јоноски, но одбраната беше одлична„
Три гола, многу пот, игра во два правци и одлична координација со нашите надворешни ракометари. Тоа е учинокот на нашиот кружен напаѓач Стојанче Стоилов, кој по втор пат е директен сведок на пласман во осминафинале на нашата најдобра ракометна репрезентација. Тој во разговорот со „седмата сила„ по мечот потенцираше:
Денешната победа, јубилејна десетта на мундијалите
Со денешната победа над Б и Х, македонската ракометна репрезентација на досегашните натпревари одиграни на светските првенства стигна до јубилејната десетта победа на 22 одиграни натревара.
ВИДЕО: Миркуловски: „Победивме, а можеме уште многу повеќе„
Интелегенцијата и лидерските способности на овој турнир се почесто се заштитен знак на плејмејкерот Филип Миркуловски кој во голем стил го отвори мечот, а во играта на периоди имаше свои моменти и во вториот дел. Со три гола и уште толку асистенции, ракометатор на Металург, даде немерлив придонес за третата победа во серија. Тој назначи дека не се победуваат така лесно три врзани средби на мундијал и му дава голем значај на оствареното до сега:
ВИДЕО: Лазаров: „Со оваа победа имаме мир пред мечот со Хрватска„
Капитенот на македонската репрезентација Кирил Лазаров веднаш ја истакна важноста на оваа победа, која е многу блиску по значајот како и онаа првата против Тунис. Тој ја смести нашата партија против момците на Марковиќ како втора најдобра на турнирот по онаа во петокот со афричкиот вицешампион. Десниот бек на нашата репрезентација дури и потенцираше дека ова е далеку од целосниот потенцијал на оваа селекција:
Со било која гарнитура на дресови Македонија победува
На првиот меч против Тунис, нашите ракометари настапија во црвени дресови и тоа им донесе среќа и победа. Ден подоцна ги одбравме жолтите дресови за мечот со Иран и пак се радувавме на бодовите. Денес на мечот со Б и Х, Македонија се појави во бели дресови и успеа да ја совлада репрезентацијата на Жарко Марковиќ.
Совладана и Босна, Македонија е веќе осминафиналист
Б група
Б и Х - Македонија 22:25 (11:13)
Многу повеќе македонски од босански навивачи го дочекаа мечот во Ал Саад во рамките на третото коло.Мечот добро го почнаа нашите ракометари и откако Манасков изнуди казнен удар и исклучување, Лазаров од седум метри го отвори резултатот. Следеше „камена„ одбрана и два комбинаторни гола на Миркуловски за 0:3 во 5 минута. Борко Ристовски по втор пат се јави во улога на додавач и го најде Никола Марковски, по чиј што гол Марковиќ побара тајм-аут при 0:4. Торомановиќ дури во 7 минута го постигна првиот гол за нашиот ривал.
