Од Ејс Јоноски до Ивица Обрајан
На воведниот меч со Данска, официјалниот спикер имаше сериозни проблеми со изговорот на имињата и презимињата на нашите ракометари и членоци на стручниот штаб. Така Ацо Јоноски стана Ејс Јоноски, а селекторот Ивица Обрван за данците е Ивица Обрајан.
ВИДЕО: Миркуловски: „Уште не сум 100%, но живеам за вакви мечеви„
2013 година не ги штедеше нашите репрезентативци. Покрај изостаноците, но годината која ја испративме операции и подолги паузи имаа Дејан Манасков и Филип Миркуловски, а Гоце Георгиевски се здоби со скршеница. Токму Филип Миркуловски со задоволство се сеќава на последното соочување на Македонија и Чешка во Ниш пред две години, кога со пет постигнати гола од исто толку удари, беше еден од најзаслужните за нашата голема победа од шест разлика
ВИДЕО: Јоноски: „Теретот ќе падне на централниот дел од одбраната„
На редовниот брифинг со новинарите на денот на одигрување на второт меч во А групата на европското првенство, столбот на одбраната Ацо Јоноски ги пренесе своите лични сензации од првите неколку дена на шампионатот:
Од дебаклот во Мерано, до нишката радост
Традицијата на мечевите со Чешка буди различни емоции кај македонските љубители на ракометот. Од дебаклот во Мерано, до трансот во Ниш, нашите дуели со овој противник секогаш биле исполнети со голови, неретко и со убедливи победи. Еве ги сите официјални дуели на Македонија и Чешка:
Романски судии за мечот со Чешка
Виталниот натпревар со Чешка за пласман во втората фаза на европското првенство, доверен му е на романски судиски пар. Имено Богдан Штарк и Ромео Штефан денес од 18:15 ќе го почнат мечот Македонија - Чешка, кој што е воведе во второто коло од А групата на европското првенство.
Најгледано ЕУРО во историјата
Континенталниот собир од 12 до 26 јануари во Данска го пренесуваат 75 ТВ-станици и ќе биде гледано во 175 земји од светот, што според ЕХФ е нов рекорд на европските првенства, потврди Михаел Видерер, генералниот секретар на ЕХФ.
Тренинг победи за Франција и Шведска
Последните два натпревари од вториот натпреварувачки ден, донесоа повеќе од рутински победи на Франција и Шведска против Русија и Црна Гора. Во Архус Клод Онеста со подмладен состав провери дека има потенцијал и во младите сили. Само во првите 10 минути Атман, Игрополу, Хорбок и другарите парираа а потоа се разигра Карабатиќ, младиот дебитант Ниокас постигна 9 гола, Гребиј додаде уште 4. „Триколорите„ оставија силен впечаток на нивното деби во Данска.
ФОТО: Ракометната елита се пресели во Архус
Мечевите од Ц групата на европското првенство и покрак слабиот број навивачи од четирите земји учеснички во оваа група, привлече голем број ракометни имиња, познати фаци од светот на овој спорт. Јоаким Болдсен беше во улога на стручен коментатор на мечевите од оваа група.
Станиќ ја спаси Србија против Полска
Отворањето на групата на смртта, Ц групата во „Енерџи Парк Арената„ во Архус целосно ги оправда очекувањата. Иако не играа најквалитетно, Србија и Полска одиграа крајно драматично. Нашиот северен сосед беше скоро па перфектен во првиот дел. Одбраната често ги принудуваше полјаците на удари во блокот и технички грешки, а само бившиот соиграч на Лазаров, Мариуш Јуркиевич редеше голови. При 13:8, србите примија гол со звукот на сирената и тој гол ја најави серијата на избраниците на Михаел Биглер.
Јиха: „Шокиран сум, не паметам кога вака сме биле надиграни„
Ни во Кил, ни во чешката репрезентација, Филип Јиха не навикнал да губи со 10 голови разлика. Поразот од Австрија може да остави психолошки траги врз чешкиот национален тим, а Македонија тоа треба да го искористи. Во истиот хотел „Скандик Реџина„ во Хернинг престојуваат сите четири репрезентации од А група, а за малкубројните чешки и македонски медиуми Филип Јиха рече:
