Гојун не игра со Хуеска, Лазаров неизвесен

Атлетико Мадрид со официјално соопштение на својата веб страна информираше како еволуираат повредите на Кирил Лазаров и Јаков Гојун. Двајцата балкански ракометари се вратија со повреди од своите настапи за националните репрезентации. Имено долго време беше неизвесно од каква природа е повредата на Лазаров здобиена на мечот со Шпанија во Скопје. Тој започна со тренинзи со Атлетико Мадрид, но се уште влече повреда заради која е неизвесен за мечот со Хуеска в недела. Сигурно на тој натпревар нема да настапи хрватот Гојун и го очекува пауза од 3-4 недели, така да веројатно ќе го пропушти комплетниот двомеч со Барселона од четвртфиналето на Лигата на шампионите. Скоро и да не постои ракометар на Атлетико Мадрид кој оваа сезона не се повредил, така да Душебаев навикнал да се носи со ваквата ситуација.