Лазаров го соопшти списокот за ЕХФ неделата и двомечот со Египет

Селекторот на машката ракометна репрезентација Кирил Лазаров го објави список на повикани ракометари за претстојната EHF недела во месец ноември 2021 година. На списокот повикани се ракометари кои најчесто беа повикувани годинава, но фигурираат и неколку кадетски и младински репрезентативци.

Во рамки на ЕХФ неделата од 1 до 7 ноември машката сениорска репрезентација на Македонија ќе одигра два пријателски натпревари против репрезентацијата на Египет. Натпреварите ќе се одиграат во Каиро на 5 и 6 ноември..

Собирот е закажан за 31 октомври со почеток во 14:00 часот во хотел „Александар Палас" во Скопје.