Лазаров го израмни рекордот на Штербик по бројот на настапи во Лигата на шампионите

Капитенот на македонската репрезентација, Кирил Лазаров израмни неверојатен рекорд во елитното европско натпреварување, Лигата на шампионите.

Маскедонскиот ас е најдобар стрелец во историјата на Лигата на шампионите, а вечерва го стигна Арпад Штербик на врвот на листата на играчи со најмногу настапи во ова натпреварување. Дуелот против Киелце во осминафиналето е 249-ти натпревар во Лигата на шампионите. Во ова натпреварување нашиот ас настапуваше во дресовите на Борец, Пелистер, Загреб, Веспрем, Атлетико Мадрид (Реновалиа Суидад Реал), Барселона и Нант.

Зад Лазаров и Штербик се Тиери Омејер со 240, Никола Карабатиќ со 237, Јонас Калман со 225 и Тимур Дибиров со 217 одиграни средби во Лигата на шампионите.