Барселона против Вардар во полуфиналето на ЛШ

Шпанскиот ракометен првак Барселона  го доби Вардар како противник во полуфиналето  на Ф4 турнирот во Келн. Македонските репрезентативци Кире Лазаров и Борко Ристовски ќе имаат можност да ги одмерат силите со „вардарци“ во битка за место во големото финале.

Втората полуфинална двојка ја сочинуваат Веспрем и ПСЖ.

Полуфиналињата во ЛШ ќе се играат на 3 јуни, додека мечот за третото место и големото финале се закажани ден подоцна. Домаќин на големиот ракометен настан повторно ќе е „Ланксес арена", но домашната публика за првпат по формирањето на Ф4 нема да има германски претставник.