Кампот „Кирил Лазаров 7“ и брендот „Хумел“ меѓусебни партнери

Ракометниот камп на нашиот најдобар ракометар „Кирил Лазаров 7", кој оваа година по вторпат ќе се организира во Охрид од 17 до 30 јуни во две смени, денес и официјално доби нов партнер.

Спортската компанија „Хумел" ќе биде официјална опрема на ракометниот камп и сите учесници ќе добијат опрема од „Хумел", што преставува подигнување на кампот на уште поголемо ниво со обезбедување на врвна опрема за секој учесник.

Денес беше одржана прес-конференција на која беше официјализирана соработката меѓу ракометниот камп „Кирил Лазаров 7" и „Хумел", кој во Макеоднија е застапен во продавниците на Д-Спорт, кој е застапник за „Хумел" во нашата држава.