Лазаров ја мина границата од 800 гола во ASOBAL лигата

Најдобриот македонски ракометар Кирил Лазаров продолжува да руши рекорди во дресот на Барселона и во шпанскиот ракомет. Со двата гола во денешната победа над Бенидорм во „Палау Блауграна", Лазаров дојде до бројката од 800 гола во ASOBAL лигата во дресот на Барселона, Реновалиа Сиудад Реал и Атлетико Мадрид.

Лазаров е прв стрелец на Барса во тековната сезона, како и во претходните две и ги освои сите можни трофеи, откако се пресели во каталонскиот клуб во летото 2014 година. Во денешниот дуел против Бенидорм, Барса славеше со 33-18 и се доближи до нова титула во АСОБАЛ лигата, трета со Кире Лазаров во тимот.