Лазаров: Ништо не е изгубено, треба да останеме позитивни

Капитенот на машката ракометна селекција на Македонија, Кире Лазаров по поразот од Полска на стартот од квалификациите за пласман на ЛОИ во Рио, истакна дека нема простор за паника, и наговести дека добрата игра и резултатите допрва ќе следат.

„Пред мечот имав чуство дека можеме да ја победиме Полска, и уште стојам позади тоа дека можеме да се носиме и да славиме било каде да се игра мечот. Нашата цел е пласман на ЛОИ, кога се губи целта беше да се загуби со што помала разлика. Не е ништо изгубено, треба позитивно да останеме. Таков е календарот, немавме време да се адаптираме од клупски на репрезентативен ритам. Секој прв натпревар е тежок, свесни сме како колективно така и индивидуално дека згрешивме, направивме премногу грешки. Останува да се одмориме и подготвиме за утре, ќе пружиме сигурно подобро издание, ќе надокнадиме", изјави Лазаров.

Нашиот десен бек денешниот меч го заврши со осум погодоци, со што воедно беше и најефикасен во селекцијата на Македонија. Веќе утре го играме вториот дуел од квалификации, и тоа како важен против Тунис, со почеток од 18:30 часот.