Пуштени во продажба билетите за Олимписките квалификации

Денес на пладне полската ракометна федерација ги пушти во продажба билетите за предолимпискиот ракометен турнир, кој ќе се одржи во Гдањск од 8 до 10 април. Билетите имаат цена од 14 до 24 евра, а организаторите нудат пакети од 35, 50 и 60 евра за сите три натпревари.

Билетите можете да ги набавите на следната веб-страница . Натпреварите ќе се играат во „Ерго Арена", која има капацитет од 10.500 столчиња. Прв противник на Македонија ќе биде домаќинот Полска на 8 април. Следниот ден ќе играме против Тунис, а на 10 април ќе го играме последниот натпревар против репрезентацијата на Чиле.