Тимоти Н' Гесан потпиша тригодишен договор со Барселона

Еден од најталентираните млади ракометари во Еврипа, членот на француски Шамбери, Тимоти Н' Гесан од следната сезона ќе настапува заедно со Кирил Лазаров во Барселона.

Европскиот првак на својата официјална веб страница објави дека 23-годишниот Французин, стави потпис на тригодишен договор со шампионот на Шпанија. Тој за Шамбери игра во фантастична форма, и постигнува по 5.5 гола по натпревар. Тимоти Н' Гесан од 2012 година го носи дресот на француската репрезентација, настапувајќи на 23 натпревари, во кои има постигнато 44 голови.