Барса го врати Ривера како замена за Сигурдсон

Брзото крило на шпанската репрезентација Валеро Ривера Фолг, инаку син на селекторот на катарската репрезентација, и официјално се враќа во Барселона по заминувањето во 2010 година во францускиот Нант. Ривера е производ на школата на Барса, но по завршувањето на договорот со исландскиот интернационалец Гудјон Валур Сигурдсон, пак се враќа во матичниот клуб.

Ривера потпиша тригодишен договор и доаѓа како изграден играч по периодот минат во Сарагоза, Алгесирас, Гвадалахара, Октавио и споменатиот Нант. На последното европско првенство во Полска освои сребро, а прет три години беше светски првак на Мундијалот во Шпанија.