Лазаров ја доби наградата "Спортски амбасадор"

Кирил Лазаров, Агим Ибраими, Андон Дончевски и Јошко Миленковски денес ги добија признанијата „Спортски Амбасадори". Оваа „четворка" беше на прием кај премиерот Никола Груевски.

„Ми претставува огромна чест како долгогодишен репрезентативец на Македонија, веќе повеќе од 15 години го носам националниот дрес со големо задоволство. Покрај настапите во репрезентацијата, мислам дека достојно ја претставувам Македонија и надвор од нашата земја. Сакам да се заблагодарам за оваа укажана доверба и ќе се обидеме и во иднина како спортски амбасадори да ја презентираме Македонија во најдобро светло" изјави Кире Лазаров.

Наградата Спортски Амбасадори се доделува од оваа година, а според најавите од владата на РМ и Агенцијата за млади и спорт, носителите во скоро време ќе добијат и дипломатски пасоши.