Лазаров: Покажавме карактер, тешко некој да победи на овој терен

Победата на Барселона во Скопје широко им ги отвори вратите на европскиот првак кон првото место во групата. Овој триумф остави видно задоволство кај гостинскиот табор на средбата со новинарите. Кирил Лазаров во името на гостинскиот табор ги истакна причините за победата на неговиот тим.

„Немаше да биде незаслужено и Вардар да го добие овој натпревар. Без разлика на противникот, натпреварот се одлучува секогаш за нас во последните 15 минути. Ние имавме карактер, двете екипи имаат голем број квалитетни играчи и не е лесно да се победи на ваков жежок терен и не знам дали тоа на некој ќе му успее оваа сезона" , истакна на средбата со новинарите Македонецот во таборот на каталонците. Следниот натпревар од Лигата на шампионите, Барселона го игра во Данска против Колдинг, а потоа го дочекува полскиот првак Киелце.

ФОТО: www.ekipa.mk