Египетски противник во четвртфиналето во Доха за Барса

Учесниците на IHF Суперглоб во септември во Доха, ги дознаа своите противници за четвртфиналето. Новиот систем на натпреварување нуди неизвесност уште од самиот старт, па сите екипи ќе одиграа по три натпревари, а титулата од минатата сезона ја брани Барселона.

Првиот тест за Лазаров и соиграчите е египетскиот тим Ал Али спорт клуб, против кој каталонците се апсолутни фаворити. Мечевите од четвртфиналето се играат на 7, од полуфиналето на 8, а за пласман и големото финале на 10 септември.

Четвртфинале:

Веспрем (Унгарија) - Таубате (Бразил)

Фуксе Берлин (Германија) - Клуб Африкан (Тунис)

Барселона (Шпанија) - Ал Али спорт клуб (Египет)

Ал Саад (Катар) - Сиднеј Уни Хендбал клуб (Австралија)