Фуксе Берлин доби вајлд-карта за IHF Суперглоб во Доха

Европа за прв пат ќе има три претставници на IHF Суперглоб турнирот за светска клубска титула, кој се одржува во Доха на почетокот на септември. Европскиот првак Барселона, вицешампионот Веспрем и победникот на ЕХФ Купот, Фуксе Берлин ќе ја преставуваат Европа.

Од Азија ќе учествуваат катарските екипи Ал Саад и Лехвија, бразилскиот Таубате како победник на Панамериканскиот шампионат, првакот на Африка и Сиднеј Универзити од Австралија и Океанија. Од оваа година се менува и системот на натпреварување, па ќе се игра нокаут фаза: четвртфинале, полуфинале и финале од 7 до 10 септември. Титулата од минатата година ја брани Барселона. Кирил Лазаров последните три сезони е победник на IHF Суперглоб турнирот во Доха.