Цела Барселона во идеалниот тим на ASOBAL, Лазаров најдобар десен бек

Капитенот на македонската ракометна репрезентација, Кирил Лазаров беше избран во идеалниот тим на ASOBAL лигата, како најдобар десен бек во шпанската лига. Лазаров освои 28,9% од вкупниот број гласови за својата позиција, пред Луис Фелипе Хименез Реина од Натурхаус Ла Роха (12,1%) и соиграчот, Едуардо Гурбиндо (8,5%). Во идеалниот тим се најдоа само ракометари на Барселона, што јасно покажува каква сезона оставија зад себе каталонците.

Идеален тим на ASOBAL лигата:

Голман: Гонзало Перез де Варгас (Барселона)

Лев бек: Раул Ентрериос (Барселона)

Среден бек: Никола Карабатиќ (Барселона)

Десен бек: Кирил Лазаров (Барселона)

Лево крило: Виктор Томас (Барселона)

Десно крило: Гудјон Валур Сигурдсон (Барселона)

Кружен напаѓач: Јаспер Нодесбо (Барселона)

Дефанзивец: Виран Морос (Барселона)

Тренер: Хавиер Пасквал (Барселона)