Боби Мојсоски: „Чест ми е да сум тука, Кире е огромна мега звезда„

Изненадување за учесниците на кампот на претпоследниот ден беше забавата на плажа со македонскиот X-factor, охриѓанецот Боби Мојсоски. Тој испеа неколку песни, се забавуваше со момчињата и девојчињата и се фотографираше по настапот. Исто така доби пристојни подароци од Кирил Лазаров, кој го покани да биде гостин на кампот и во следните изданија. Исто така на забавата беа прославени два родендени и едно момче и девојче ги дувнаа роденденските свеќи. Боби Мојсоски пред настапот беше почестен од поканата да биде дел од кампот.

„Сакам да им се заблагодарам на сите кои гласаа за мене на X-factor, мислам дека во најголем број беа децата бидејќи тие даваат искрена љубов и искрена подршка. Драго ми е што гостин на овој камп, а за Кире доколку зборувам, тој е огромна мега звезда и ќе ми биде чест да излезам заедно со него на бина„ говореше пред настапот македонскиот X-factor, Боби Мојсоски.