ВИДЕО: Патување со брод за сите учесници на кампот

По напорните пет дена, организаторот на кампот „Кирил Лазаров 7„ одлучи да ги награди учесниците на кампот со патување од спортскиот центар „Аквалина„ до Свети Наум наместо попладневните тренинзи. Пријатно патување со музика на бродот, разгледување на Свети Наум и прошетка од неколку часа, беше денешната агенда на идните ракометари.

Со многу смеење, шеги и анегдоти брзо поминаа предвидените часови за патувањето и ракометарите мораа да се насочат кон вечерното предавање на тема „Спортски повреди„ во организација на партнерот на кампот, болницата Филип втори.