Пепи Манасков и Ристе Калајџиоски во посета на кампот

Двајца бивши репрезентативни колеги на Кирил Лазаров, попладнево пристигнаа во хотелот „Аквалина„ во Охрид да ја поздрават идеата за првиот камп на нашиот најдобар ракометар и да помуабетат со старите пријатели. Пепи Манасков, кој играше во сениорската репрезентација со Кирил Лазаров,погледна неколку тренинзи и разговараше со тренерите на кампот.

Неговиот син Дејан исто така ќе биде гостин до крајот на неделата. И бившиот колега на Лазаров од младинската репрезентација, Ристе Калајџиоски дојде во Охрид да ја посети неговата ќерка, која е меѓу најталентираните во кампот и на подарок од Кирил Лазаров го доби дресот со број 77 на актуелниот европски првак, Барселона.