ФОТО: Навивачите се загреваат за финалето пред „Ланксес арената„

Иако и денес во Келн е облачно и има голема веројатност за дожд, стотици навивачи на финалистите Барселона и Веспрем уште неколку часа пред финалето се загреваат со добро познатото домашно пиво „Келш„ за финалето на Лигата на шампионите.

Помногубројни и позвучни се унгарските навивачи, но подршката за Барселона може да дојде и од неутралниот дел од гледалиштето, посебно од германската публика.

Некои од „фановите„ дури и не ги интересира многу мечот за третото место, па фрлаат поглед на големиот екран пред арената, а приоритет е позитивнатас енергија и повото. Исто така пасионирано и пред „Веспрем арената„ во Веспрем на голем видео бим ќе се следи второто финале на Лигата на шампионите на унгарскиот клуб.

Повеќе семејства и мали деца се присутни меѓу навивачите на Барселона, меѓу кои има и една мала група навивачи и од Македонија, која ќе „стега палци„ за Кирил Лазаров и исполнувањето на неговиот сон, освојувањето на Лигата на шампионите.