Чешка си ја заврши работата и по втор пат ја доби Швајцарија

Чешка изби на второто место во седмата квалификациона група на неполни две кола до крајот на квалификациите за ЕП во Полска наредната година. Попладнево во Плзен, Чешка по втор пат во четири дена ја совлада Швајцарија со 29:25 (15:13) и стигна до 5 бода по 4 одиграни меча. Текот на настаните и резултатот се одвиваше како во Шафхаузен во средата, кога чесите славеа со 30:26.

Блескаа чешките крила кои заедно постигнаа 14 гола во швајцарската мрежа. Македонија остана на 3 бода, а мали се шансите да направи нешто повеќе, бидејќи утре во 17:05 во Тулуз игра против Франција. Квалификациите завршуваа во втората недела од јуни, кога играме со Швајцарија во Сент Гален и со Чешка во Скопје.