ВИДЕО: Манасков: „Искуството на французите беше клучниот фактор во финишот„

Двете суперсонични крила Дејан Манасков и Лук Абало одиграа одличен натпревар покажувајќи ја комплетниот свој раскош и талент. Нашето крило причината за поразот ја најде во искуството на француските „експерти„ кои одиграле голем број вакви натпревари и знаат како да одиграат во тесна завршница, кога се „крши„ резултатот.

„Искуството на противникот во тесна завршница и големиот број вакви натпревари беше пресудно. Но ние одигравме одличен натпревар и покажавме дека можеме да играме рамноправно со една многу моќна репрезентација како Франција. Мислам дека ако играме вака во продолжението на квалификациите, ќе ја исполниме целта и ќе се пласираме на европското првенство во Полска„ рече стрелецот на 4 гола, крилото на Вецлар, Дејан Манасков.