Хансен изби на врвот, но најдобар стрелец ќе биде Илиќ или Лазаров

Данскиот голгетер Микел Хансен постигна 15 гола во поразот на неговиот ПСЖ во Унгарија против Веспрем. Сепак ниту тоа не му беше доволно на францускиот претставник да мине во полуфиналето. Но со ова постигање, Хансен изби на првото место на листата на стрелците со 103 гола. Со 9 гола против ППД Загреб, Лазаров се доближи на само два гола помалку од Момир Илиќ, кој даде 7 гола против „светците„. Со оглед на тоа што и двајцата имаат уште по два меча, извесно е дека најдобар стрелец оваа сезона ќе биде или Лазаров или Илиќ.

Листа на стрелци:

1. Микел Хансен (ПСЖ)              103

2. Момир Илиќ (Веспрем)           101

3. Кирил Лазаров (Барселона)  99

4. Тимур Дибиров (Вардар)           78

5. Карол Бјелецки (Киелце)           76