Реприза на ланскиот Final four со Киелце место Фленсбург

Со одигрувањето на денешните три реванш средби од четвртфиналето на Лигата на шампионоте, познати се четирите екипи, кои ќе играат на Final four завршницата во Келн на 30 и 31 мај. Во вторник ќе бидат познати полуфиналните парови, а можни противници на Барселона на Кирил Лазаров се германскиот Кил, полскиот Киелце и унгарскиот првак и победникот на СЕХА лигата оваа сезона, Веспрем.

Овие три екипи победија на денешните возвратни натпревари и ја оправдаа фаворитската улога од пред почетокот на четвртфиналето. Интересно е што за разлика од минатогодишниот петти Final four во „Ланксес арената„ го нема само германскиот претставник и актуелен европски првак Фленсбург, а на негово место доаѓа Киелце. Веспрем втора година во ред ќе игра во Келн, а Кил како и Барселона по петти пат влегува во големата четворка, откако европскиот првак се добива преку Final four. Ждрепката за полуфиналето е во вторник на пладне.

Четвртфинале:

Веспрем - ПСЖ 34:28 (16:12)

Киелце - Вардар 33:31 (16:14)

Кил - ПИК Сегедин 32:23 (18:10)

Барселона - ППД Загреб 43:21 (23:10)