Хихон ќе биде домаќин на Final four на Купот на шпанскиот Крал

„Паласио де ла Депортес Гуаиа„ во Хихон која собира 5.500 гледачи ќе биде местото, каде ќе се одржи завршницата на Купот на Кралот во ракомет на 6 и 7 јуни. Одлуката треба ASOBAL лигата да ја потврди, но сите детали се договорени и Хуанферса ќе игра на домашен терен. Четирите полуфиналисти кои ја очекуваат ждрепката наредната недела се Барселона на нашиот Кирил Лазаров, домашната Хуанферса, ланскиот фаворит Грањолерс и Анхел Хименез.

Трофејот од минатата сезона го брани Барселона, која во Хихон ќе го знае епилогот од завршниот турнир на Лигата на шампионите во Келн и ќе знае дали ја напаѓа шестата или седмата титула во сезоната. Адемар Леон на Димитровски и Натурхаус Ла Роха на Ацо Јоноски не го минаа четвртфиналето.