ВИДЕО: Вујовиќ: „Заслужив респект во Шпанија, Барса ќе биде шампион, ако Загреб не ги победи...„

Се наближува мечот кој не враќа во деведесеттите и честите финални средби на Барселона и Загреб Бадел. Овој пат не е финале, но за хрватскиот првак и Веселин Вујовиќ исто како да е. Салата во Загреб ќе биде исполнета, а Вујовиќ не крие дека во Шпанија оставил добра трага и затоа го ценат насекаде. Исто така е нескриен оптимист дека неговиот ППД Загреб може да го елиминира големиот каталонски тим:

„Загреб и пред моето доаѓање беше добро школована и тренирана екипа. И мојот претходник добро работеше и тоа се гледа. Понекогаш екипата е огледало на тренерот. И кога тренерот е храбар и агресивен тип, тоа се пренесува на екипата. Секогаш ги учам моите ракометари да го почитуваат притивникот, но никогаш да не го преценат. Барселона е главен фаворит за освојување на Лигата на шампионите, доколку Загреб не ги победи. Шпанците знаат дека јас сум роден победник, секогаш се трудам да извлечам максимум од играчите. Така беше во Вардар, јас некои просечни ракометари претворав во борци, лавови. Оставив голема трага во Шпанија, играв таму, освојував титули, бев тренер со Сиудад Реал и го освоив КПК и со тоа го заслужувам респектот на шпанската јавност. Се надевам декатој респект ќе го оправдам„ заклучи Вујовиќ. Првото четвртфинале помеѓу ППД Загреб и Барселона се игра в четврток во Хрватска, а возвратниот меч девет дена подоцна во „Палау Блауграна„.