Лазаров прв стрелец во Лигата на шампионите оваа есен

Без разлика што Барселона го загуби последниот осми натпревар од овогодинешната Лига на шампиони, македонскиот интернационалец Кирил Лазаров зад себе остави одлична европска есен. Со 64 гола на 8 натпревари тој е убедливо прв на листата на стрелците, а имаше и неколку вонсериски партии со двоцифрен број на голови. Иако веќе беше крал на стрелците во Лигата на шампионите и во дресот на Веспрем и во дресот на Загреб Кроација Осигурање, Лазаров не се оптоварува со голгетерското место оваа сезона.

Пролетните натпревари продолжуваат на 11 фебруари со директниот дуел за првото место во групата помеѓу Барселона и Колдинг.

1. Кирил Лазаров (Барселона)                        64
2. Момир Илиќ (Веспрем)                               58
3. Александер Деревен (Чеховски медведи)   56
4. Драган Гајиќ (Монпеље)                              53
5. Миха Зарабец (Целје Пивоварна Лашко)     42