Близу 100 членови на „Фалангата„ ќе ги бодрат црвено-жолтите

Како и на секое гостување години наназад, македонската ракометна репрезентација нема да биде без подршка на гостувањето во Злин. Близу 100 навивачи кои дојдоа од татковината со автомобили или автобуси и дел од македонците кои живеат во Чешката република и соседните земји, се собраа оваа недела во малата „Еуроникс арена„ да му дадат подршка на националната репрезентација.

Сите се обоени во националните бои, со дресови и шалови во црвено-жолта боја и со препознатливата македонска песна. Со оглед на последните радости од гостувањата во Швајцарија, Австрија и Грција, со право меѓу нив расте оптимизмот дека и од Злин ќе се вратат пеејќи.

Од Злин, Чешка

Зоран Мишевски