Лазаров втор пат со наградата „Trofeo Powerade„

Најдобриот македонски ракометар Кирил Лазаров по втор пат во кариерата ја добива наградата „Trofeo Powerade„ заради континуитетот во дресот на Барселона минатата сезона. Лазаров во дресот на Барселона одигра 38 натпревари и постигна 176 гола во сите конкуренции под АSOBAL, во сезоната 2013/14.

Според статистиката, Лазаров беше стрелец на 131 голови во АSOBAL лигата, со што се најде на 13 место на најдобрите стрелци, постигна 30 гола во Купот на шпанскиот Крал, запиша осум погодоци во Купот на АSOBAL и седум погодоци во Суперкупот на АSOBAL. Признанието „Trofeo Powerade" се доделува од сезоната 2009/10, а досега го добивале Сергеј Рутенка, Виктор Томас, Даниел Шариќ, Исајас Гвардиола и Кирил Лазаров во дресот на Атлетико Мадрид минатата сезона. Лазаров најновата награда во богатата кариера ќе ја добие на натпреварот од Суперкупот на АSOBAL, во кој Барселона ќе ги одмери силите со Грањолерс.