ФОТО: Фановите на Лазаров со авторски маички и знаме

Скоро толку брајни како и навивачите на Барселона, фановите на најдобриот македонски ракометар Кирил Лазаров подготвени пристигнаа во Келн. Голем дел од нив со редовната авионска линија Скопје - Келн, некои со автомобили, а ги има и тие кои од европските земји стигнаа до вредното парче хартија за четирите средби овој викенд.

Навивачите на Лазаров беа вистински хит во просторот пред „Ланксес арената„ каде се подгреваше атмосферата пред натпреварите. На маичките со неговиот лик посебно позитивно одговорија навивачите на Веспрем, кои бараат да купат такви маички или да се фотографираат со неа. Исто така и знамето со ликот на Лазаров беше убав декор меѓу колоритот од бои на полуфиналистите.