Барса го почнува пролетниот поход до новата титула

Од пред некој ден најатрактивната ракометна екипа на планетата, Барселона на Хави Пасквал повторно е во тренажен процес и ја започнува пролетната офанзива кон сите преостанати трофеи. Ако 2013 ја заврши со освоениот ASOBAL Куп во „Палау Брауграна„ во новата 2014 година првиот предизвик е гостувањето во Куенка кај Сиудад Енкантада.

Од денес Лазаров и другарите патуваат за Куенка, откако деновиве ги славеа седумте освојувачи на медали на европското првенство во Данска. Златните Карабатиќ и Сорондо, сребрениот Нодесбо и бронзените Томас, Гурбиндо, Виран Морос, Раул Ентрериос и Сармиенто се приклучија кон групата, а практично по одличното првенство и Лазаров и Рутенка се во тренажен процес. Клубот обелодени дека Гурбиндо го продолжи договорот со Барса до 2016 година. Во 2014 Барса е на добар пат да ја одбрани титулата во ASOBAL лигата, има уште три меча од групната фаза во Лигата на шампионите, а и во Купот на Кралот и Суперкупот на Каталонија овој дрим-тим е голем фаворит за трофејот.