Позната агендата на подготовки на Барселона

По поканата за учество на IHF Суперглоб во Доха, управата на Барселона ја дефинира програмата на подготовки за сезоната 2013/14. Така од првичниот план ќе одпадне само хрватската турнеа, а на нејзино место ќе влета турнирот за светска титула во Катар. Првиот собир избраниците на Пасквал ќе го имаат на 5 август и во првите пет дена шпанскиот првак ќе работи три пати дневно.

Подоцна од 9 до 22 август секојдневните тренинзи, Лазаров и другарите ќе ги реализираат во Каталонија, за првиот испит да им биде на 23 август во Франција со Тулуз, каде настапуваат шпанците Монторо и Перез де Варгас. Наредниот ден експедицијата патува за Доха каде од 25 до 31 август ќе се борат светската круна да остане во Шпанија. По враќањето Лазаров и новите соиграчи во агендата ги имаат двата Суперкупа, на Каталонија и Шпанија, каде Барселона ги брани титулите освоени минатата сезона. На 25 јули ќе биде познат распоредот на сите натпревари во ASOBAL лигата.