Атлетико му посака среќа на Лазаров

Дека се работи за голем клуб знаевме уште одамна. Но Атлетико Мадрид мисли на секој детал и максимално се грижи за своите ракометари. Така на официјалната страна на клубот, денес е пренесена веста дека и покрај тоа што имаше договор со клубот до јуни 2014 година, Лазаров и Атлетико Мадрид спогодбено го раскинаа.

Понатаму во ставот на светскиот првак се вели дека Атлетико му е благодарен на македонецот за максималниот ангажман, предаденост и професионалност во овие три сезони и му посака среќа во понатамошната кариера. Лазаров три сезони мина во овој, клуб кој имаше трансформација од Реновалиа Сиудад Реал во Атлетико Мадрид. Тој со семејството две години живееше во Сиудад, а една во Мадрид, а една сезона настапи под името Реновалиа Сиудад Реал во „Кихоте арената„ и уште две во големата Висталегре во Мадрид. Се очекува во текот на овој месец да биде позната иднината на клубски план на нашиот најдобар ракометар.