ФОТО: Реанимација и масажи за враќање на енергијата

Напорите од мечот со Хрватска, но пред се од серијата на натпревари во турнирски систем, силно ги трошат нашите ракометари, но сите знаат дека вистинските испити доаѓаат на крајот од оваа недела и треба да се „наполнат акумулаторите„ и да се освежат телата во пресрет на мечот со Австрија и осминафиналето.

Најнапред реанимација и враќање на организмот во нормална состојба, пред денешниот тренинг во 15 часот по средно европско време. Добро е што наш противник утре е селекција која добро ја познаваме како Австрија. Пријатени спомени ни буди баражот за мундијалот во Шпанија 2013 година, како и данската победа на последното европското првенство во јануари минатата година.