Попладневниот тренинг откажан, ракометарите на прошетка

Селекторот на македонската репрезентација Ивица Обрван ги ослободи од обврските ракометарите попладнево, иако во 15 часот беше предвиден тренинг пред мечот со Словенија. Стручниот штаб им даде комплетно слободно попладне на нашите адути, за да можат да се одморат и за кратко да се дефокусираат од ракометните возбудувања.

Тие убавото време во Доха го искористија за прошетка и шопинг во луксузните шопинг центри во Катар. До крајот на денот веројатно ќе има инвидуални тактички подготвувања за дуелот со Зорман, Гајиќ и другарите, кој ќе се игра утре од 16:30 часот.