Клопчиќ место Кирвелиачиус во австрискиот состав

Нaшиот ривал во последното коло од Б групата на мундијалот во Катар, селекцијата на Австрија, реши да ја направи првата измена во составот, со вклучувањето на десното крило Маријан Клопчиќ, на местото на Ромањ Кирвелиачиус. Клопчиќ е член на австрискиот клуб Брегенц и има 23 години, па со само 17 настапи досега и 14 постигнати голови е меѓу помалку искусните во австрискиот табор.

Кирвелиачиус досега немаше многу шанса да се покаже, а селекторот Патрекур Јоханесон со вклучувањето на Клопчиќ ќе се обиде да внесе побрза игра.