Русија пак се „самоуби„ ни Јиха не им помогна на чесите

Русите станаа мајстори на недовршени натпревари, откако пак одиграа перфектно прво полувреме и водеа во 75% од мечот со Полска, но на крајот загубија со 26:25 (12:13). И одбраната и нападот на руската селекција делуваше многу солидно.

Ракометарите на Вардар, Шишкарев и Хорбок отскокнаа од колективот и постигнаа 13 гола од вкупно 25 на руската селекција. Во последните 5-6 минути „зборнаја„ затаи и Атман не го реализира последниот напад за реми. Кај полската селекција најкорисен играч беше Ројовски со 6 гола, но ветеранот Биелецки со клучни голови во завршницата имаше голем придонес во победата. Голема победа издвојува Египет кој ја совлада Чешка со 27:24 (13:10). Националниот тим на Египет го имаше расположениот голман Хандави со 13 интервенции, а најефикасни беа Елахмар со 5 и Иса со 4 гола. Кај чесите настапи и Филип Јиха, постигна 4 гола, но потроши многу топки и не личеше на оној фантастичен играч од Кил. Најдобар меѓу чесите беше Хрстка со 5 гола. Очекувана победа забележа Аргентина над Саудиска Атабија со 32:20 (13:11). „Гаучосите„ ги имаа Пизаро со 7, Симоне со 6 и Фернандез со 5 гола. Сега меѓу нив и Русија ќе се решава осминафиналистот.

Полска - Русија 26:25 (12:13)

Чешка - Египет 24:27 (10:13)

Аргентина - Саудиска Арабија 32:30 (13:11)