Шок за триколорите - Онеста му ја одзеде траката на Жером

Трофејниот француски селектор, Клод Онеста во текот на мундијалот донесе радикална одлука за смена на капитенот, ветеранот Жером Фернандез:

„Тој не е повеќе мојот примарен избор во екипата. Злочин е да се држи некој на негови години на теренот кога имаме млади момчиња како Акамбре и Н'Гесан " изненадувачки рече Онеста на прес-конференцијата денес во 13 часот во „Интерконтинентал хотелот„ во Доха. Големо изненадување е што Онеста на ваква одлука се одлучи во текот на мундијалот. Фернандез е најдобриот стрелец во историјата на националниот тим и освои две олимписки и по три светски и европски златни медали. Селекторот Онеста му порача на Фернандез дека може да игра и на олимпијадата во Рио наредната година, но само ако биде постојано квалитетен.