Репрезентацијата ќе тестира со Мидтјиланд пред првиот меч на Европското првенство

Ракометната репрезентација на Македонија веќе пристигна во својата база во данскиот град Силкеборг.

Македонските ракометари продолжуваат во полна пареа со два тренинзи. Планиран е прв дел од денот за фитнес тренинг во теретана, а попладнето ќе биде искористено за тренирање во сала.

Македонија има уште неколку денови за последните подготовки пред првиот натпревар на Европското првенство. Дотогаш е планиран уште еден неофицијален тест натпревар против машката екипа на Мидтјиланд.